車仔天才冇碇企！拜仁趁機搶人

足球博彩神器，每日重心提供盡在《彩報》：http://win.on.cc/football/　

車路士今夏大事增兵，特別係中前場簽入迪姆華拿、夏維斯、薛耶治之後，令到20歲新星赫臣奧杜爾冇碇企，英國《每日郵報》指拜仁慕尼黑打算趁機收購呢位英格蘭翼鋒。

車路士上場英超對白禮頓，見到車仔領隊林柏特屬意用新10號仔基斯甸普列錫踢左翼，夏維斯踢右翼，由阿積士加盟嘅薛耶治亦係右翼球員，令踢慣右路嘅赫臣奧杜爾面臨極大競爭，恐怕今季上陣機會將大幅減少。

雖然車路士上年先至同赫臣奧杜爾續約5年，但考慮到佢重要性下降，加上會方今夏已經用咗超過2億鎊買人，林柏特仲希望收購韋斯咸中場迪格蘭賴斯以及1位門將，的確需要出售部份副選，減輕財政壓力，如果拜仁真係出手斟介，成事機會甚高。