PSG為尼馬伸冤　成立調查小組搵證據

即上韓職刨績王：https://win.on.cc/football/league/kd1/rank.html　

上周日(13日)喺法甲對馬賽出拳打艾華路蘇比朗嘅尼馬，賽後聲稱話因為受到種族歧視先忍唔住做到愚蠢行為，其所屬球隊巴黎聖日耳門已公開力撐尼馬，就此事更成立一個調查小組，試圖為尼馬搵出證據。

據法國媒體報道，目前未有證據話馬賽後防艾華路蘇比朗曾對尼馬有種族歧視，但PSG則要求當局去徹查呢件事，法國足總亦展開調查。而球會亦成立咗一個調查小組，從各種唔同角度去剖析獨立攝影機所拍到嘅畫面，球會話好有信心可以搵到尼馬遭種族歧視嘅證據。

當場發生咩事相信要時間調查，但當日賽後馬賽中場皮耶就喺IG玩嘢，貼相將尼馬個頭P喺隻狗上，寸尼馬係狗。