【有片】球王回歸！美斯生蟲右腳入世界波

去片睇美斯入世界波https://bit.ly/35I8tl1　

經過「離隊風波」之後，球王美斯回歸巴塞迎來入球雙響，周四在今季第二場熱身賽個人梅開二度，仲要右腳射入世界波，睇嚟呢位阿根廷球星已經重新投入球隊。

巴塞呢場對西乙球隊基羅納輕鬆贏3比1，開賽不久就有菲臘比古天奴射中門楣，但隨後佢接應美斯同新加盟嘅法蘭斯高查卡奧嘅妙傳，菲臘比古天奴射入空門為巴塞領先，全場焦點仍然落在美斯身上，佢愈戰愈勇，完場前更用右腳射入世界波，對方門將只呆望皮球入網，美斯嘅入球將比數拉開，並射入佢自己喺「離隊風波」後嘅首個入球。

轉戰下半場沙爾斯為基羅納追番一球，但49分鐘美斯喺禁區右側左腳大力推射，再入一粒，個人梅開二度，球王終於展示久違了嘅笑容。新帥朗奴高文今場4次變陣，看來效果唔錯，巴塞呢個禮拜六會同艾爾切再打多場熱身賽，跟住會喺下周日（27）晚對維拉利爾，進行今季第一擊。

足球博彩神器，每日重心提供盡在《彩報》：http://win.on.cc/football/