曼聯雪藏格連活特！蘇B：佢需要啲教訓
20200917
東網電視
更多新聞短片
(Getty Images)
曼聯新星格連活特上季表現光芒四射，早前更晉身英格蘭大國腳，出戰歐國聯，但期間同曼城中場菲爾科頓一齊「帶女返酒店」，闖下大禍，唔止被即時踢出國家隊，更加面臨曼聯內部處罰，盛傳領隊蘇斯克查可能會雪藏格連活特一段時間。
格連活特唔止「帶女返酒店」，私下吸笑氣嘅相片亦曝光，雖然呢位即將19歲嘅前鋒已經2次道歉，但都難以挽回聲譽。
英國《太陽報》指蘇斯克查早前搵咗格連活特訓話，要求佢保證以後唔再犯類似行為，同時會觀察佢操練表現同態度，先至決定是否將佢列入周六(19日)晚英超曼聯主場對水晶宮嘅大軍名單。
蘇斯克查師承費格遜，費Sir以往對付紀律欠佳嘅球員，絕不手軟，今次點都要畀啲教訓格連活特。