德甲看台重開！揭幕戰7500人入場撐拜仁

即上韓職刨績王：https://win.on.cc/football/league/kd1/rank.html　

新一季德甲將於周六(19日)凌晨開鑼，德國政府已經批準球會可以開放部份看台，畀球迷入場睇波，其中揭幕戰拜仁慕尼黑主場對史浩克04，將會有7,500位球迷入場睇波，令球場有番人氣。

根據德國《圖片報》報道，德甲球隊主場可以開放20%座位畀球迷入場，但唔可以喺球場內飲酒，客隊球迷仍然唔可以入場。如果主場城市7日內新冠肺炎感染率超標，就會重新閉門比賽。

根據規定，可以容納75,000人嘅拜仁慕尼黑主場安聯球場，今場波可以畀15,000人入場，但慕尼黑嘅新冠肺炎感染率仍然高企，會方為安全着想，自願減一半配額，只畀7,500人入場。

另一支德甲勁旅多蒙特，照規定主場可以畀16,000人入場，但周六(19日)晚主場對慕遜加柏，暫時亦只會畀10,000人入場。