要搵人幫華迪 李斯特城求購羅馬前鋒

20200917
東網電視
更多新聞短片
英超球隊李斯特城早前成功在新球季旗開得勝,教練羅渣士最近依然積極補強。有傳球隊已經同意甲羅馬達成協議,以「先借後買」嘅形式,成功簽下前鋒辛基斯安達,希望可以分擔34歲老將華迪嘅入球重任。
據報今次外借費用將會係270萬鎊,而李斯特城下季需要向羅馬支付另外2,190萬鎊(約2億2千萬港元),雙方會簽下5年長約。
23歲辛基斯安達3年前從土超巴沙克舒希加盟羅馬,可惜上陣機會唔係太多,大多數更以後備身份上場。上季意甲僅上陣18次,取得3個入球。
辛基斯安達目前已經去緊英格蘭接受體測,不過李斯特城周一(21日)凌晨將會主場面對般尼,依位土耳其小將未必可以趕及上陣。