新兵對辦決定加碼　阿仙奴力斟艾奧亞

足球博彩神器，每日重心提供盡在《彩報》：http://win.on.cc/football/　

阿仙奴英超首仗報捷，新簽嘅韋利安交出助攻帽子戲法，新中堅加比爾馬加希斯攻入1球，新兵對辦，令阿迪達更加放膽簽人，佢哋斟介里昂中場小將艾奧亞談判中決定加碼，最新報價係3600萬鎊(約3.6億港元)。

與奧巴美揚完成續約後，阿迪達心目中嘅新兵人選有2個，除咗艾奧亞，仲有馬體會加納中場湯馬士柏迪，不過斟介暫時未有進展，至於艾奧亞嘅談判進入新階段，阿仙奴之前報價3100萬鎊，或現金加古安杜斯，但都被里昂拒絕。

里昂為該位22歲法國中場標價5500萬鎊，與阿仙奴最新出價仍有段距離，英國傳媒報道，由於阿仙奴剛向維拉出售達米安馬天尼斯，獲得2000萬鎊轉會費，因此兵工廠手頭上有資金可以追價，有能力簽下艾奧亞。