曼聯唔買中堅 蘇B提拔呢位新星頂住先
20200918
東網電視
更多新聞短片
文治(左)獲分配曼聯43號球衣。(Getty Images)
足球博彩神器,每日重心提供盡在《彩報》:http://win.on.cc/football/
曼聯2位中堅哈利馬古尼、域陀連迪路夫上季表現不穩,要求會方收購新中堅嘅呼聲愈來愈高,但根據英國《每日郵報》爆料,曼聯領隊蘇斯克查並冇打算今夏簽入中堅,而係提拔18歲青年軍小將文治上一隊。
盛傳曼聯曾經睇中多位中堅,包括拿玻里嘅高列巴尼、RB萊比錫嘅烏柏美卡奴、摩納哥嘅班洛特巴迪亞舒尼,但呢班優質中堅嘅轉會費都非常貴,令曼聯管理層卻步。同埋曼聯現時仲有8位中堅,包括基斯史摩寧仍然未轉會,蘇斯克查好難向會方要求買中堅。
因此,蘇斯克查決定提拔文治成為一隊球員,呢位英格蘭U18小國腳身高1米83,屬於靈活加技術型中堅,佢速度快,腳法亦唔錯,往往可以由後場帶波上前,佢有份入選上屆歐霸盃作客艾斯坦拿嘅大軍名單。
蘇B亦非常滿意文治近期比賽及操練表現,早前熱身賽對阿士東維拉,佢都有份披甲,新一季將會重用佢,已獲分配43號球衣,預料曼聯下周中英聯盃對英冠球隊盧頓,文治有望正選上陣。