官方確認!占士洛迪古斯係免費轉會!

2020年09月18日 15:00
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
哥倫比亞國腳占士洛迪古斯今夏加盟愛華頓,英超首演表現光芒四射,最初消息話愛華頓用2,000萬鎊轉會費收購「J神」,但之後有傳佢其實係免費轉會,而呢個傳聞日前就獲「J神」母會班菲特官方確認,愛華頓呢勻真係執到寶!
占士洛迪古斯出道初期效力阿根廷球會班菲特(2008年至2010年),之後先至進軍歐洲轉投波圖,由於班菲特屬於「J神」嘅訓練球會,按合約佢哋可以喺「J神」每次轉會收到部份分紅,不過班菲特日前就證實今次轉會並冇涉及任何轉會費。
班菲特官方聲明表示:「占士洛迪古斯由皇家馬德里轉會愛華頓後,班菲特曾經作出查詢,雖然根據媒體報道嘅高額轉會費,作為青訓球會嘅班菲特理應獲得一定比例嘅轉會分紅,不過事實唔係咁樣,今次轉會並冇涉及任何金錢交易,占士洛迪古斯就好似自由身轉會一樣。」