利物浦願意賣比維斯達　不過要包含呢樣嘢

即上韓職刨績王：https://win.on.cc/football/league/kd1/rank.html　

利物浦小將利安比維斯達上季外借英冠史雲斯表現出色，有傳英超球隊錫菲聯同水晶宮都睇中佢，希望可以喺今個夏天簽入佢。

由於利物浦暫時前線正選一定係羅拔圖法明奴、沙迪奧文尼同穆罕默德沙拿，後備仲有奧歷治，所以利安比維斯達嘅上陣時間唔會多。領隊高普上星期同球會傾過後，都同意將呢位英格蘭小將賣走。利物浦暫時將利安比維斯達定價大約2,000萬鎊（約2億港元)，不過需要包含回購條款。

利安比維斯達今年20歲，曾經奪得U17世少盃金靴獎。上季替史雲斯上陣22場，射入11球，帶領球隊殺入升班附加賽。今季畀利物浦回收，社區盾有份後備落場，可惜互射12碼階段炒粉，連累「紅軍」輸波。

一向買人獨具慧眼嘅高普當然睇到利安比維斯達嘅潛力，今次設有回購條款絕對係非常聰明，間接揾人幫自己練兵。