PSG又搵意甲兵救亡！斟祖雲達斯鐵閘

足球博彩神器，每日重心提供盡在《彩報》：http://win.on.cc/football/　

深受傷停問題困擾嘅巴黎聖日耳門(PSG)又要出手增兵救亡，今次睇中祖雲達斯後衞迪施基利奧，計劃簽入呢位27歲意大利國腳，頂替日前受重傷嘅祖安巴尼特。

PSG因為有多位球員確診新冠肺炎，早前已經向羅馬借用能夠勝任右閘及中場嘅費奧倫斯。不過，PSG左閘祖安巴尼特喺上場法甲對梅斯，受咗重傷，預料需要抖幾個月，加上另1位左閘古沙華喺對馬賽一役，同對手佐敦艾馬維上演「肉搏戰」，日前被法國足總判罰停賽6場，令PSG左路防守出現真空，會方惟有再次出手簽閘位球員。

迪施基利奧可以勝任左右二閘，啱晒PSG心水，同埋呢位意大利國腳並非祖雲達斯主力，所以祖記應該好大機會放走佢。