曼城大鑊！阿古路要抖多2個月！

《英超刨績王》加強版，最強數據一網打盡：http://win.on.cc/football/　

當利物浦突然積極增兵加強實力，志切重奪英超冠軍嘅曼城就傳出噩耗，領隊哥迪奧拿證實王牌前鋒阿古路仍然受膝傷影響，預計可能要抖多2個月，嚴重打擊曼城爭標機會！

阿古路上季尾提早收咧，歐聯復賽都冇份踢，原本估計新一季英超有機會候命，但哥迪奧拿就開咧戰作客狼隊前親口證實：「我哋知道阿古路嘅傷勢好麻煩，可能要多1至2個月時間，佢依家先要回歸球場並且操起狀態，阿古路缺陣咗好長時間，而且佢唔係嗰啲好快可以操起嘅球員，我估計要1至2個月先可以再見佢落場。」

哥迪奧拿亦拒絕回應之前係咪有打算簽美斯，依家喺阿古路受傷情況下，曼城將會繼續依賴巴西前鋒加比爾捷西斯擔任箭頭。