曼聯上季最佳球員 梗係費南迪斯

2020年09月19日 16:00
東網電視
更多新聞短片
波基斯費南迪斯高票當選畢樹比最佳球員獎
《串績王》新登場,最強博彩盤路過關神器:http://win.on.cc/football/ 
曼聯周六晚對水晶宮,展開英超新球季,開賽前夕,曼聯公布上季最佳球員「畢樹比最佳球員獎」,結果係眾望所歸,由季中來投嘅葡萄牙中場波基斯費南迪斯高票當選。
此獎項係由球迷投票評選,波費以35.5%得票率當選,險勝排第2得票34%嘅安東尼馬迪爾,拉舒福特以10%得票排第3,排4、5、6名順序係格連活特、雲比沙卡及哈利馬古尼。
波費上季中加盟後,曼聯戰績大幅提升,一度保持17場不敗,後上殺入聯賽季軍取得歐聯資格,而紅魔鬼在上季後半段賽事,亦僅輸過2場,分別係英足盃4強負車路士,以及歐霸盃負西維爾。
在個人獎項方面,波費亦當選英超2月最佳及重開嘅6月最佳球員,所以佢攞畢樹比獎,係相當合理。
曼聯同時公布上季最佳入球,係由拉舒福特當選,佢對車路士射入C朗式罰球,成為上季曼聯最佳入球。