【官宣】熱刺簽皇馬雙雄!巴利揀射手冧巴

2020年09月20日 09:00
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
熱刺周日(20日)晚英超作客修咸頓前夕,公布好消息,正式簽入皇馬雙雄加里夫巴利、利古朗,其中威斯爾球星加里夫巴利將會着9號球衣,莫非呢位快翼想轉型做射手?
熱刺今次係以借用形式簽入31歲嘅加里夫巴利,為期1季,呢支倫敦勁旅仲有權續借多1季。巴利周薪達60萬鎊,據悉皇馬仍然會支付佢60%人工,熱刺負責其餘40%人工。
加里夫巴利曾效力熱刺5年,上陣203次,射入56球及58次助攻,2013年由熱刺轉投皇馬,當年轉會費達9,000萬鎊,依家回巢,希望可以重拾昔日風彩啦。不過,加里夫巴利現時有傷在身,預料要抖1個月。
至於23歲左閘利古朗將會着3號球衣,轉會費3,000萬歐元,雙方簽約5年,但皇馬有權用4,500萬歐元回購呢位西班牙國腳。
利古朗曾經為皇馬上陣48場射入2球及4次助攻,上季被外借去西維爾,上陣38場射入3球及5次助攻,協助西維爾奪得歐霸盃,曾經有傳曼聯想收購佢,但被熱刺捷足先登。
值得一提,皇馬公布2人轉會消息,特別感謝利古朗嘅專業精神,但只係用44個字簡單祝福巴利,似乎不滿佢之前「自暴自棄」表現。