占士冇得留低　如願以償過檔列斯聯

20200920
  • 東網電視
    更多新聞短片
    《英超刨績王》加強版，最強數據一網打盡：http://win.on.cc/football/　
    曼聯翼鋒丹尼爾占士加盟後表現令人失望，有傳佢將會加盟升班馬列斯聯，「狂人」比爾沙希望可以1,200萬鎊簽入呢位小將。
    22歲丹尼爾占士上場英超對水晶宮以正選上陣，可惜表現一般，只係交出4腳傳中，仲有7次失誤畀對方搶回控球權，半場就畀領隊蘇斯克查換走。
    佢上季季初曾經係球隊正選，不過季尾就畀新星格連活特搶走正選位置，各項賽事上陣46次，僅交出4個入球同7次助攻。佢畀球迷批評淨係識跑同夠勤力，但射門、傳波以及走位能力等樣樣都唔達標。
    丹尼爾占士同曼聯合約去到2024年，不過有指曼聯方面唔會直接放走呢位威爾斯國腳，更希望以借用形式畀佢吸收經驗。佢上年夏天以1,700萬鎊從英冠史雲斯加盟曼聯，令人相當意外。
    值得一提，丹尼爾占士2019年1月差啲從史雲斯轉投列斯聯，據報個時已經影晒波衫相同做晒訪問，正等待官宣，不過最後交易卻未能成事，令占士即刻嬲到當場掉咗部電話。