【官宣】利物浦新神鋒簽約5年！揀呢個號碼

《英超刨績王》加強版，最強數據一網打盡：http://win.on.cc/football/　

利物浦繼簽入拜仁慕尼黑中場堤亞高艾簡達拿之後，再宣布成功收購狼隊前鋒迪亞高祖達，並同呢位23歲葡萄牙國腳簽約5年，據悉轉會費為4,100萬鎊，迪亞高祖達將會着20號球衣。

迪亞高祖達簽約之後大賣口乖話：「可以加盟利物浦呢種世界冠軍級球會，實在令人難以置信，紅軍係世界最佳球隊之一，我要為球隊付出一切。」呢位翼鋒之前為狼隊上陣131次，射入44球，上季英超有7球進帳。

迪亞高祖達加盟利物浦後，領隊高普可以用佢同2位翼鋒穆罕默德沙拿、沙迪奧文尼進行輪換，避免踢殘呢2位主力。

另外，利物浦亦將18歲後衞基賀華以1,000萬鎊賣畀狼隊，成為狼隊今夏簽入嘅第5位球員，佢將會着2號球衣。