諾域治唔放人　麥斯艾朗斯去巴塞夢碎

《串績王》新登場，最強博彩盤路過關神器：http://win.on.cc/football/　

諾域治右閘麥斯艾朗斯成為巴塞隆拿最新目標，有傳佢已經同呢支西甲班霸達成個人條件同協議，準備外借1個球季，不過由於諾域治唔願意包含季尾買斷條款，導致交易告吹。

20歲小將麥斯艾朗斯上季英超表現出色，為諾域治各項賽事上陣40場，交出2次助攻，英冠開鑼戰亦有正選踢足全場。除咗巴塞之外，據報德甲拜仁慕尼黑同利華古遜都有興趣簽呢位英格蘭U21小國腳。

麥斯艾朗斯同「金絲雀」嘅合約去到2024年，加上「金絲雀」諗住今季力爭升返上英超，未必願意輕易放走呢位主力，巴塞教練朗奴高文可能會轉購阿積士小將達斯。