相隔10年再踢西甲 大衞施華省暈對手

2020年09月21日 14:01
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
周一(21日)凌晨西甲皇家蘇斯達主場對皇馬,出現1位「熟悉的陌生人」,就係大衞施華,呢位34歲老將今夏同曼城約滿,加盟皇家蘇斯達,今場係佢相隔10年之後,再次踢西甲,仍然有心有力,仲有1次勁射,省到皇馬後衞華拉尼一度倒地不起。
大衞施華2010年由華倫西亞轉投曼城,度過10年英超生涯,由於佢為曼城踢上屆歐聯,獲得額外時間休息,並冇踢西甲開咧戰對華拉度列。大衞施華今場亦先做後備,去到63分鐘先至上陣,相隔3787日終於再次踢西甲。
大衞施華對於喺西甲比賽,並未生疏,表現相當落力,希望為球隊贏波,包括作出1次勁射,但省中華拉尼,令呢位法國國腳暈得一陣陣,證明大衞施華狀態十足,腳腳七注。
馬田奧迪加特重返皇馬之後,皇家蘇斯達更加需要大衞施華喺中場組織攻勢,預料佢今季將有大把表演機會。