熱刺加入連格爭奪戰 誓要搶贏辛尼特

20200921
東網電視
更多新聞短片
摩連奴出手搶連格
《串績王》新登場,最強博彩盤路過關神器:http://win.on.cc/football/ 
曼聯中場人腳鼎盛,連格今季難有上陣機會,消息指紅魔打算將佢出售,吸引俄超班霸辛尼特斟介,英國傳媒報道,熱刺領隊摩連奴打算介入,希望將連格收為己用,並已知會熱刺主席利維,將展開斟介行動。
連格被放售消息已接近一年,但只聞樓梯響,其身價約值1600萬鎊(約1.6億港元),近期有消息指辛尼特向曼聯探盤,但進展遲緩,估唔到嘅係摩連奴會喺呢個時候出手,英國《ESPN》報道,摩連奴已告知利維,希望羅致連格,稍後雙方球會高層將有正式接觸。
27歲嘅連格自從蘇斯克查入主後,便已淪為後備,上季中簽入波基斯費南迪斯之後,連格僅曾試過2次後備上陣,而佢嘅作用只係場邊為球迷提供笑料,例如球迷叫佢做「連美斯」,又例如上季煞科戰補時攻破李斯特城大門,連累一名投注人士買佢全季0入球嘅注項見財化水,成為球迷茶餘飯後話題。
其實連格表現唔係咁差,在2017至18球季,摩連奴執教曼聯時期,連格全季上陣48場入13球,踢出佢生涯巔峰水平,可見摩連奴識得點用連格,希望帶佢過熱刺,畀佢發揮空間。