35歲C朗繼續入波　派路話要「慳住嚟用」

足球博彩神器，每日重心提供盡在《彩報》：http://win.on.cc/football/　

葡萄牙球王C朗拿度喺意甲開鑼戰又入波，協助祖雲達斯大勝森多利亞，亦係佢連續19季在頂級聯賽有士哥，主帥派路賽後表示，C朗係球隊至寶，因此不能胡亂揮霍，今季會「慳住嚟用」，適當場合會畀佢休息。

C朗嘅職業生涯於2002至03年度在葡超士砵亭開始，之後曼聯6季、皇馬9季、祖雲達斯今年踏入第3季，加埋就係19個球季，全部取得入球進帳，853場攻入639球，以C朗現時狀態，踢足20季都有入球，相信問題不大。

以往C朗都係球隊進攻重心，不過祖記新帥派路提出新觀點，佢認為要慳住用C朗，佢話：「當應付例行賽事，我哋會畀C朗休息，現時只係季初，C朗體力充沛，但當應付一啲唔重要嘅賽事，佢應該抖抖，C朗好聰明，非常了解自己身體，知道幾時休息，幾時用力。」