奧連特18人確診 熱刺英聯盃或不戰而勝

20200922
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
原定周三(23日)凌晨上演嘅英聯盃第3圈賽事奧連特對熱刺,賽前爆出奧連特有18個職、球員確診新冠肺炎消息,當中包括大部份一隊球員,令呢場賽事有機會取消息,如果奧連特最終未能出賽,熱刺將會獲判晉級。
英乙球會奧連特官方證實,最近進行嘅檢測有多位球員確診,《每日郵報》話當中有至少10個球員,而《太陽報》就透露有多達18人中招,由於主場同訓練場都要關切進行全面消毒,令呢場聯賽盃第3圈賽事出現取消危機。
由於呢場有電視直播嘅賽事,會為奧連特帶嚟10萬鎊收入,消息指奧連特原本希望派出同一隊冇任何接觸嘅青年軍出賽,確保賽事能夠舉行,不過熱刺就以安全理由反對,最終決定要等待英國衛生部門檢視情況後作出,不過預計取消賽事機會偏高。