曼聯決心搞好後防　吼實萊比錫新星

《英超刨績王》加強版，最強數據一網打盡：http://win.on.cc/football/　

曼聯英超首仗輸波，域陀連迪路夫孭晒鑊，英國傳媒爆料，曼聯準備再買中堅，睇中德甲RB萊比錫新星烏柏美卡奴，不過由於呢位法國中堅身價高昂，紅魔鬼入貨前，先要清走隊中冗員。

萊比錫上季歷史性殺入歐聯4強，前鋒迪姆華拿已被車路士買走，其實烏柏美卡奴亦都備受歐洲豪門關注，依家曼聯急需搞好防線，堵塞連迪路夫嘅漏洞，自然要搶先出手。

根據《轉會市場》估值，21歲嘅烏柏美卡奴身價至少值6000萬歐元，英國《每日電訊報》報道，由於曼聯中堅位置兵源過剩，在收購新兵之前，必先要清除舊將，例如基斯史摩寧、馬高斯盧祖都要出售，至於菲爾鍾斯、艾歷拜利、杜安薛比等一大堆中堅，暫時都用唔着。