車仔門將出事　拿保夫：佢要睇心理醫生

足球博彩神器，每日重心提供盡在《彩報》：http://win.on.cc/football/　

車路士不敵利物浦，門將阿列沙巴拿加又出事，佢喺賽事中派膠輸波，賽後遭輿論喪插，又話雷恩門將艾度亞文迪好快加盟取代佢，不過最根本問題始終係Kepa本人，車路士名宿拿保夫認為，暫時唔好再搵佢把關，佢應該去睇心理醫生。

Kepa當日開個短波，畀沙迪奧文尼捕到截下，連隨射入網令球隊輸到0:2，門將孭晒鑊，拿保夫指出：「唔可以再畀Kepa守龍門，佢嘅思想停喺另一個星球，對足球完全冇feel，我好想知佢仲係咪守門員，佢暫時唔適宜再上陣，要去睇心理醫生。」

拿保夫指出，Kepa嘅情況令佢想起另一位車路士球員：「當日嘅費蘭度托利斯，同佢情況好相似，不過費托係前鋒，犯錯只係射唔入，但你係守門員，犯錯就代表輸波。」