尼馬用辱華語鬧日本球員　激怒內地網民

《串績王》新登場，最強博彩盤路過關神器：http://win.on.cc/football/　

早前法甲巴黎聖日耳門對馬賽演變成衝突事件，最終球證出示5張紅牌，尼馬投訴遭馬賽後衞艾華路蘇比朗種族歧視，賽會介入調查，發現被種族歧視嘅尼馬，同時又用辱華語句鬧馬賽嘅日本球員，佢自己都其身不正。

西班牙傳媒報道，尼馬當日向馬賽日本外援酒井宏樹辱駡，根據讀唇專家解讀，尼馬係用辱華語句鬧對方：「Chino de mierda(中國垃圾)」此為拉美地區對華人歧視嘅表達方式，嘲諷對方膽小怕事。

另外有法國傳媒推測，尼馬講嗰句係法文：「merde Chinoise」係法國鬧中國人嘅用語，總之兩個版本都唔係好嘢。

消息傳到內地，內地網民對尼馬表示憤怒，發起封殺尼馬，有人表示要封殺法甲，甚至有人發起封殺巴西，不過未獲太多和應。