繼續葡萄！狼隊3,000萬鎊簽施美度

《英超刨績王》加強版，最強數據一網打盡：http://win.on.cc/football/　

狼隊放走葡萄牙翼鋒迪亞高祖達後，隨即再簽入另一葡萄牙國腳球星，英、西傳媒報道狼隊已落實3,000萬鎊收購巴塞隆拿右閘尼爾遜施美度，呢位26歲球星周三(23日)亦喺社交網發文同巴塞隆拿道別，預計好快就會官宣。

狼隊早前將右翼衛馬特杜靴迪賣畀熱刺，今次重金收購攻守兼備嘅尼爾遜施美度，實力係有增無減，呢位葡萄牙國腳今日(周三)將同狼隊簽約5年。尼爾遜施美度已搶先喺IG同巴塞告別：「多謝巴塞隆拿畀機會我實現夢想，著起呢件波衫、喺魯營球場比賽同向世界最頂尖嘅球員學習，我喺呢度經歷美好嘅3年，多謝隊友、職員、球迂一直幫助我，我衷心祝福巴塞隆拿。」