尼馬又爆黑材料！面臨停賽20場

《串績王》新登場，最強博彩盤路過關神器：http://win.on.cc/football/　

巴黎聖日耳門(PSG)球星尼馬被指用「辱華語言」鬧馬賽嘅日本球員酒井宏樹一事餘波未了，又被踢爆以侮辱同性戀者嘅說話，鬧另1位馬賽球員艾華路蘇比朗，法甲賽會正進行調查，如果指控屬實，兩條罪加埋，呢位巴西國腳可能被罰停賽20場。

PSG早前聯賽對馬賽，雙方球員爆發嚴重衝突，尼馬指控艾華路蘇比朗用種族歧視語言羞辱佢。不過，事後發現原來呢位巴西前鋒惡人先告狀，佢用「辱華語言」鬧酒井宏樹，而同艾華路蘇比朗爭吵時，又用侮辱同性戀者嘅說話，鬧呢位後衞。

馬賽方面表示，有證據證明尼馬種族歧視酒井宏樹，法甲賽會已經展開調查，預料一兩星期內有結果。西班牙《阿斯報》指如果尼馬罪成，兩個指控將會各罰停賽10場，總共需要坐20場「波監」，隨時要等到明年2月情人節先至可以復出。