奧迪加特「中招」　皇馬下一場唔使預佢

足球博彩神器，每日重心提供盡在《彩報》：http://win.on.cc/football/　

皇家馬德里日前喺開賽首戰僅同皇家蘇斯達和局收場，正要部署下場點樣搶分之際，球隊即迎來壞消息，21歲中場球員奧迪加特確診新冠肺炎，目前正等待第二次測試結果，並已被自我隔離。

由於上輪對皇家蘇斯達嘅皇馬球員都要測試，唔排除有傳播，結果奧迪加特證實其檢測呈陽性，即被隔離，並要10天後再作測試呈陰性才能歸隊。周二呢位挪威球員亦有出席訓練，當時上仗未有落場嘅夏薩特亦有同場操練。球會亦唔排除有其他球員被傳染，但初步其他皇馬球員嘅檢測結果呈陰性；據悉，皇馬要確定沒有人再確診才會恢復操練。

至於奧迪加特上季被外借到皇家蘇斯達，上輪就倒戈對皇馬以正選上陣，但表現一般。至於皇馬嚟緊下一場西甲，會喺本周日(27號)對貝迪斯。