林柏特大晒冷！2位新兵復出救亡

《串績王》新登場，最強博彩盤路過關神器：http://win.on.cc/football/　

車路士上場英超0比2不敵利物浦，後防表現差劣，球隊將於周四(24日)凌晨英聯盃，主場對班士利，領隊林柏特透露，2位後防新兵堤亞高施華、芝維爾已經準備就緒，有望今場上演處子戰。

巴西中堅堤亞高施華剛於周二(22日)度過36歲生日，林柏特暗示今場波可能係送畀佢嘅「生日禮物」：「我已決定揀選堤亞高施華入大軍名單，唔知算唔算係生日禮物，佢現時狀態唔錯，到時再睇下佢可以踢幾多分鐘，芝維爾都有份入選今場名單，至於基斯甸普列錫、薛耶治已經接近傷愈。」

堤亞高施華今夏以自由身由巴黎聖日耳門加盟，而由李斯特城來投嘅左閘芝維爾，轉會費高達5,000萬鎊，兩人仲未為車仔踢過正式比賽，正好趁今場英聯盃熱一熱身。