曼聯又要買阿積士兵！今次想簽呢位

《英超刨績王》加強版，最強數據一網打盡：http://win.on.cc/football/　

曼聯今夏擊敗皇馬等豪門，成功收購咗阿積士中場雲迪碧克，獲得唔少曼迷讚賞，紅魔鬼主帥蘇斯克查食過返尋味，又想再簽阿積士球員，今次睇中左後衞達利亞費高。

由於勞基梳爾經常受傷，20歲小將班頓威廉斯水準不穩，所以蘇斯克查有意簽入1位左閘，原本睇中波圖嘅「帶刀侍衞」阿歷士迪尼斯，但礙於呢支葡超勁旅唔肯放人，所以紅魔鬼轉移目標，斟介達利亞費高。

現年28歲嘅達利亞費高係阿根廷國腳，2018年1月由獨立隊加盟阿積士，當年轉會費僅為400萬鎊，佢表現出色，為阿積士喺各項賽事上陣100場，攻入12球，可以話係攻守兼備。

據悉，達利亞費高身價只係2,300萬鎊，以曼聯嘅財力可以輕易負擔，加上紅魔鬼同阿積士剛完成雲迪碧克嘅交易，可能順便搞掂埋達利亞費高。