AC米蘭證伊巴謙莫域中招

《串績王》新登場，最強博彩盤路過關神器：http://win.on.cc/football/　

意甲球會AC米蘭證實，瑞典前鋒伊巴謙莫域對新冠肺炎測試呈陽性反應，佢將會接受隔離。伊巴係喺上場意甲對博洛尼亞射入2球，助球隊贏波之後，接受檢測，於周四確診。

AC米蘭周四（24日）深夜於歐霸盃第3圈外圍賽對挪威球隊波杜基林特，38歲嘅伊巴謙莫域將會缺陣。足智彩有開售今場歐霸賽事，讓球盤急速回飛，AC米蘭由讓球半/兩球，變成讓一球/球半。

AC米蘭周三先有後衞里奧杜亞迪確診新冠肺炎，依家再有伊巴中招，令人擔心疫情會喺隊內蔓延。