寸王破奸計 熱刺歐霸盃又過一關

20200925
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
英超勁旅熱刺今季征戰歐霸盃,要踢3輪外圍賽先可以躋身分組賽,繼第2圈外圍賽險勝普夫迪夫火車頭後,周五(25日)凌晨喺第3圈外圍賽,作客再以3比1擊敗舒肯迪捷。呢場比賽開波前,熱刺領隊摩連奴「驗場」嗰陣,踢爆舒肯迪捷主場龍門框縮水5cm,臨開波先換番正規龍門框。
熱刺賽前去到舒肯迪捷主場練習,門將洛里斯發覺個門框「唔對路」後通知摩連奴,「寸王」親自查驗後發覺個龍門框明顯縮水:「個門框好細,作為一個長時間身處門框內嘅守門員,一定發覺有問題,我一去睇就知道唔妥,所以通知歐洲足協官員。我以為自己突然長高咗,但事實係個門框比正常細咗5cm!」
熱刺今場繼續用強陣出擊,啱啱喺英超食出「大四喜」嘅孫興民繼續正選,迪利阿里亦都解凍復出,開波5分鐘更有拉美拿入波領先,本身以為可以一帆風順,點知舒肯迪捷去到55分鐘神奇追平。熱刺尾段再發力,孫興民70分鐘入波再度領先,呢位南韓國腳9分鐘後再助攻後備上陣嘅哈利卡尼入波,帶領熱刺贏3比1。