中堅有着落！5,000萬鎊簽戴亞斯好事近

《串績王》新登場，最強博彩盤路過關神器：http://win.on.cc/football/　

受到兵荒問題困擾嘅曼城，正積極物色新球員加盟救亡，中堅一直係領隊哥迪奧拿最大目標，據報佢哋周六(26日)成功同葡萄牙中堅魯賓戴亞斯傾掂個人條件，將會同賓菲加就轉會費進行商討，預計總值達到5,000萬英鎊。

雖然早前已經簽入荷蘭中堅尼敦阿基，不過曼城希望打造全新中堅組合，兩大目標拿玻里嘅高列巴尼，以及西維爾嘅祖利斯古迪都因為叫價太高難以成事，哥迪奧拿就轉向魯賓戴亞斯埋手。轉會權威記者Romano透露，呢位23歲葡萄牙國腳已經同曼城傾掂5年合約，依家只等兩間球會達成轉會費就可以成事。

賓菲加早前已表明願意放走魯賓戴亞斯，曼聯同熱刺都盛傳想作出收購，不過曼城就率先出手，消息指曼城打算加入阿根廷中堅奧達文迪作為交易條件，預計轉會費總值為5,000萬英鎊。