軒達臣鬥唔到兵工廠！艾簡達拿將擔正

《串績王》新登場，最強博彩盤路過關神器：http://win.on.cc/football/　

利物浦領隊高普承認，中場隊長佐敦軒達臣因為傷勢未愈，將缺陣下周二(29日)凌晨英超主場對阿仙奴，預料新加盟嘅西班牙國腳堤亞高艾簡達拿將會正選上陣。

利物浦上輪英超對車路士，佐敦軒達臣踢咗半場時間就被換走，據悉係大腿受傷，高普話：「軒達臣仍然未康復，對阿仙奴嘅比賽，唔使預佢。」

幸好堤亞高艾簡達拿已迅速融入球隊，佢當時入替佐敦軒達臣之後，踢45分鐘就有75次傳球，成為自2003/04年球季有統計以來，半場時間最多傳球次數紀錄。因此，佐敦軒達臣缺陣之下，堤亞高艾簡達拿應該會首次以正選身份為利物浦上陣。