巴神雙喜臨門！閃電訂婚兼有球會收留

《串績王》新登場，最強博彩盤路過關神器：http://win.on.cc/football/　

意大利「腦殘」前鋒巴洛迪利今年5月玩失蹤，唔肯重返布雷西亞操練之後，遭球會放棄，去向成疑，足球事業亮起紅燈。意大利傳媒最新消息指，熱拿亞願意為巴洛迪利提供1份1年合約，呢位30歲射手有望重返球場。

雖然巴洛迪利同布雷西亞仲有2年合約，但據悉球會降班之後，有權同佢解約，加上布雷西亞老闆施連奴極之不滿「巴神」嘅紀律，相信唔會再畀佢重返球會，可以自由轉會。因此，熱拿亞計劃同巴洛迪利先簽1年合約，並有權續約1年，預料好快可以達成協議。

另外，巴洛迪利同意大利真人騷女星Alessia Messina拍拖僅1個月，就決定訂婚，莫非「巴神」真係想修心養性，做個好男人？