世界冇免費午餐 車仔貪小便宜付大代價

20200927
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
車路士喺英超落後3球之下逼和西布朗3比3,再次突顯防線不穩嘅死穴,最諷刺係領隊林柏特今場以新加盟嘅36歲老將堤亞高施華擔任正選,兼做埋隊長,對佢委以重任,以為呢位巴西名將靠得住。結果相反,堤亞高施華嚴重失誤,導致車仔失第2球,「林伯」免轉會費簽入堤亞高施華,以為執到好嘢,點知依家中晒伏。
由於堤亞高施華協助巴黎聖日耳門打入上屆歐聯決賽,比較遲向車仔報到,早前英聯盃對班士利,先至首次上陣,當時對手比較弱,佢並未受到考驗。
堤亞高施華今場首次踢英超就出事,除咗未有足夠時間同隊友磨合之外,個人狀態亦不足,先至會出現控球甩腳嘅低級錯誤。
事實上,英超比賽非常體力化,以堤亞高施華嘅年紀,實在吃不消,踢到73分鐘,林柏特都忍唔住換走呢位新隊長,搵基奧特入場搏殺。
車路士今夏豪花超過2億鎊增兵,但有8成資金用來收購進攻球員,防線只用4,500萬鎊收購左閘芝維爾,佢今場冇上陣,反而起用多次傳出會被賣走嘅馬高斯阿朗素,結果呢位西班牙守將亦犯錯連累球隊失波。
車仔今季3場英超已失6球,後防比上季更加惡劣,再次反映林柏特「頭重腳輕」嘅增兵策略錯晒。