卡利奧斯又被外借！今次去呢支德甲球隊

足球博彩神器，每日重心提供盡在《彩報》：http://win.on.cc/football/　

利物浦又將「膠龍」卡利奧斯外借，今次送佢返德甲，借畀柏林聯。預料呢位27歲德國門將未來幾日，就會飛去柏林進行體測，如無意外，卡利奧斯今季都會為柏林聯效力。

卡利奧斯自2018年歐聯決賽，連續嚴重犯錯，連累利物浦輸波之後，過去2季都被外借去土耳其球隊比錫達斯，早前借用期屆滿之後，重返利物浦。不過，紅軍主帥高普已經無意留用佢，一直未能入選大軍名單，只能隨隊訓練。

卡利奧斯同利物浦仲有2年合約在身，會方原本計劃出售佢，但冇球會接貨，惟有繼續將佢外借出去。

德國傳媒指利物浦已經同柏林聯達成協議，將卡利奧斯外借畀呢支德甲球隊1季，只差最後細節，就會完成。據悉卡利奧斯嘅女朋友已經身處柏林，幫佢打點一切，等卡利奧斯到柏林進行體測。