利物浦兩大神人疑受傷　鬥阿仙奴或變陣

足球博彩神器，每日重心提供盡在《彩報》：http://win.on.cc/football/　

英國傳媒爆料，利物浦今晚對阿仙奴之前，陣中增添傷病人員，分別係門將艾利臣比加，同埋新加盟中場堤亞高艾簡達拿，兩人近日雙雙缺席操練，賽前消息稱佢哋上陣機會只有5成，陣間開波前最緊要睇睇出場名單。

報道指，艾利臣比加自上周五起缺席操練，而堤亞高艾簡達拿亦於周六操練唔見人，惹來受傷揣測，兩人會於賽前進行最後檢查，以決定是否上陣。

據估計，如果艾利臣比加缺陣，利物浦今仗就會起用西班牙副手阿祖安卡斯迪路把關，至於堤亞高艾簡達拿唔出得嘅話，問題比較複雜，因為紅軍之前已有佐敦軒達臣及阿歷士張伯倫受傷，未知會點排陣。