孫興民受傷抖數周！無緣鬥車仔曼聯

《串績王》新登場，最強博彩盤路過關神器：http://win.on.cc/football/　

熱刺上場英超補時被判罰12碼，慘遭紐卡素逼和1比1之餘，仲爆出噩耗，進攻主力孫興民該場勇戰受傷，需要休息數星期，意味將缺陣周三(30日)凌晨英聯盃主場對車路士，以及10月4日晚英超作客曼聯等多場大戰。

孫興民上場踢完上半場就被換離場，事後領隊摩連奴透露呢位南韓國腳腿筋受傷，估計需要休戰數星期。孫興民早前喺對修咸頓一役，個人射入4球，協助球隊大勝5比2，亦係熱刺今季3場英超之中唯一勝仗。

老孫缺陣之下，加上新加盟嘅加里夫巴利仍然養傷，熱刺鋒線靠晒哈利卡尼獨擔大旗，摩連奴肯定痛頭。