兵工廠後防夠晒人　梅斯達菲勢重返意甲

《串績王》新登場，最強博彩盤路過關神器：http://win.on.cc/football/　

意甲拉素上季排第4名，今季勢要捲土重來，繼簽入前鋒梅利基、連拿之後，《拉素 Press》指出球隊打算喺英超球隊阿仙奴，搵嚟後衞梅斯達菲。

28歲梅斯達菲上季季尾受傷患困擾下，各項賽事只為球隊上陣27場；加上喺加比爾馬加希斯加盟之後，已經淪為阿仙奴大後備，新球季暫時5場比賽甚至連後備都冇，離開球隊已成定局。依位德國國腳目前同阿仙奴仲有1年合約，據報球隊希望可以收番大約1,300萬鎊。

梅斯達菲曾經喺意甲森多利亞效力過2個半球季，當中為森多利亞上陣過53場，所以對意甲一啲都唔陌生。依位失意軍人喺英超坐仲多過踢，睇返好多英超球員去到意甲都交到貨，好似國際米蘭嘅阿歷斯山齊士、盧卡古等，離隊可能係最好選擇。