達斯抵達巴塞隆拿 朗奴高文首簽現身!

20200930
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
受到財政問題困擾嘅巴塞隆拿,今個夏天大規模「瘦身」放走球星後,新帥朗奴高文即將迎嚟上任後第1簽,效力阿積士嘅美國右閘達斯,周三(30日)喺巴塞隆拿機場現身,準備接受體測同正式簽約,據報巴塞隆拿將支付2,500萬歐元轉會費。
19歲嘅達斯係阿積士青訓產品,雖然佢喺荷蘭出世,但爸爸有美國血統,達斯亦選擇代表美國國家隊出賽,目前已經有3頂國家隊喼帽。雖然年紀輕輕,但佢上季為阿積士喺各項賽事上陣35場,德甲班霸拜仁慕尼黑亦都向佢提出斟介,但達斯最終決定加盟巴塞隆拿。
據西班牙《阿斯報》報道,巴塞隆拿將要畀2,500萬歐元轉會費,但佢哋希望以分期付款方式支付,目前仍就轉會細節進行商討,不過達斯已經抵達巴塞隆拿,相信成功機會非常之高。巴塞隆拿早前將尼爾遜施美度賣走,估計達斯可以順利拎到正選位置。