壓倒勝當選年度最佳 羅拔仔:追夢不要停

20201002
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
拜仁慕尼黑前鋒羅拔利雲度夫斯基周四以壓倒勝榮膺2019/2020歐洲足協(UEFA)年度最佳球員,成為繼列貝利之後,第二位當選這個年度最佳嘅德甲球星;而拜仁亦成為大贏家,擸盡各項大獎。
頒獎禮喺日內瓦舉行,32歲嘅「羅拔仔」親身領獎,以477分嘅絕對優勢壓倒隊友紐亞(90分)及曼城中場奇雲迪布尼(66分),奪得年度最佳嘅榮譽,而美斯、尼馬(53分)、麥巴比(39分)及C朗拿度(25分)分別排第4、7及第10位。
羅拔利雲度夫斯基上季攻入55球,協助拜仁捧走德甲、德超盃及歐聯冠軍,今次係佢首次奪得歐洲足協年度最佳嘅榮譽,同時亦喺今次頒獎禮上獲得最佳射手獎。至於隊友紐亞則榮膺年最佳門將,而甘美治則奪得最佳後衞,主帥費力克更被選年度最佳教練,拜仁差不多擸晒各項主要大獎;曼城的比利時中場奇雲迪布尼則獲得最佳中場嘅獎項。
「我覺得好感恩、自豪及興奮。當你付出努力而獲得呢個榮譽,實在是一件好特別嘅事,我為球隊所贏得嘅感到自豪!」「羅拔仔」領獎後亦忍唔住喺個人社交平台PO上自己捧住兩個大獎嘅威水相:「追夢不要停!感謝呢兩個咁有份量嘅榮譽,今天係值得自豪嘅時刻,但旅途仍然要繼續。」