PSG大勝爆內亂　李安納度公開怒轟杜曹

《串績王》新登場，最強博彩盤路過關神器：http://win.on.cc/football/　

周六(3日)法甲聯賽，巴黎聖日耳門(PSG)主場以6比1狂數昂熱，經歷開季殘陣2連敗後，最近4場聯賽全勝重返前列，不過PSG反彈之餘亦爆出內亂，教練杜曹賽前批評球會增兵不力，引嚟總監李安納度炮轟，並暗示會向杜曹作出內部處分。

PSG今場強陣出擊贏得輕鬆，費奧倫斯同尼馬上半場各入1球，換邊後2分鐘尼馬梅開二度，雖然昂熱之後破蛋，但PSG再有達斯拿、伊祖沙古爾同基利安麥巴比分別建功，主場大勝6比1完場。巴西前鋒尼馬今季開齋，可喜可賀。

PSG教練杜曹賽後公開質疑球會未有買人，直指利物浦、曼城都有買球星，但PSG放走卡雲尼、堤亞高施華等球員後未有增兵，難以挑戰歐聯冠軍。呢番說話引嚟總監李安納度極大反應，佢賽後反擊：「我唔鍾意杜曹嘅言論，亦唔明白佢點解咁講，球會都好唔滿意，我哋會內部處理呢件事，如果佢想繼續留低，就要尊重球會嘅管理決策。」