阿仙奴外借小將　去跟狂人磨鍊

《英超刨績王》加強版，最強數據一網打盡：http://win.on.cc/football/　

阿仙奴19歲法國小將威廉沙列巴雖然潛質優厚，但今季喺「兵工廠」並無上陣機會，因此阿迪達打算將佢送出去磨鍊，英國傳媒報道，威廉沙列巴嘅下一站，好大機會係列斯聯。

由於阿仙奴後防已經夠人，威廉沙列巴喺陣中只會齋坐，由於佢身價唔低，價值2700萬鎊，日後仲有升值潛力，因此阿仙奴準備將佢外借，消息指富咸、列斯聯及馬賽都有意接收這位法國守將。

其實阿仙奴喺去年由聖伊天簽佢番嚟之後，隨即外借番畀聖伊天，今季歸隊後仲未有機會畀佢；報道指列斯聯嘅「狂人」比爾沙好賞識威廉沙列巴，阿迪達認為佢去到列斯聯學到嘢，所以揀咗列斯聯。