安察洛堤最後一塊拼圖？愛華頓簽瑞典神龍

足球博彩神器，每日重心提供盡在《彩報》：http://win.on.cc/football/　

愛華頓門將比克福特近期經常被批評多甩漏，主帥安察洛堤希望簽多個門將，引入競爭，喺轉會窗死線日終於畀佢搵到，就係向羅馬借用瑞典世盃門將羅賓奧臣，解決愛華頓門將不穩問題，評論認為係「肥安」增兵最後一塊拼圖。

在轉會窗死線日，愛華頓較早前從諾域治簽入中堅賓葛菲特，以為球隊增兵到此為止，原來之後仲有一個，30歲嘅羅賓奧臣成為「拖肥」今夏第6個收購，亦可能係最關鍵嘅收購。

愛華頓開季7戰全勝，包括聯賽4連勝高踞榜首，「足智彩」奪標賠率由開飛嘅200倍急跌至現時嘅13倍，不過球隊近5仗都有失球，比克福特喺英聯盃對費列活特更曾有「派膠」演出，羅賓奧臣到來，將對比克福特有刺激作用。

羅賓奧臣生涯早年一直效力瑞典及希臘球會，俄羅斯世盃協助瑞典打入8強後到意甲征戰，加盟羅馬，上季被外借到卡利亞里，今季外借到愛華頓，將會在英超亮相。