港超聯 攞冠軍?傑志贏咗愉園先有數講!

20201010
東網電視
更多新聞短片
愉園vs傑志,各取所需!
▪毋需登入,立即睇直播:
今季「中銀人壽香港超級聯賽」冠軍未鬥到最後一刻也未知花落誰家。周日(11日)下午3時同時進行3場煞科戰,當中2場有3隊仍有機會角逐錦標,東方龍獅贏波即封王,富力R&F欲奪標除要挫東方外,還需寄望傑志在另一場對愉園的賽事失分。冠忠南區對理文一戰,兩軍仍要為最終排名奮鬥。3場激戰同時上演,擔定凳仔睇今季港超盟主誕生!(on.cc東網周日下午3時同步直播)
今季港超聯冠軍懸念保留至最後,「藍鳥」暫時得17分,以對賽成績優勢力壓同分的富力R&F,位列積分榜次席,今仗傑志除要確保全取3分之餘,還要盼望另一場東方龍獅失分,才能繼2018/19賽季之後再度問鼎聯賽冠軍。傑志上仗最後時刻遭冠忠南區逼和1比1,爭冠形勢由主動變被動,但主教練朱志光認為上場戰果,不會對球隊造成影響:「足球比賽一場還一場,上一場雖然失分,但係唔會影響球員嘅鬥志,我都同佢哋做咗心理輔導,要理解足球場上即使盡咗力,都未必攞到最想攞嘅嘢。」
傑志主力門將王振鵬上仗對冠忠南區一役,下半場一度因傷退下火線,可幸情況無大礙,「朱Sir」亦大派「定心丸」,表示「阿鵬」煞科戰對愉園可隨時候命,對傑志而言絕對是利好消息。疫情底下,港超聯復賽在經歷一波三折之後,終於來到尾聲,「朱Sir」亦對傑志球員在特殊情況下,所作出的付出和犧牲表示肯定:「坦白講,係咁短嘅補賽期,同埋一個咁濃縮嘅備戰期準備復賽,我都未曾試過,但整體嚟講我哋都係滿意嘅。」
愉園作為今季港超新軍經常被看低一線,但「快活谷」眾將復賽期間的表現,依然令人留下深刻印象,包括曾經兩次洞穿港超豪門大軍富力R&F的後防,及以1比1逼和冠忠南區,搶得復賽第1分。今仗「快活谷」有中堅葉卓文因累積黃牌數需要停賽,更要面對加維蘭倒戈相向,雖然對手傑志作為爭冠分子實力超班,但主教練鮑家耀未有撇除搶分的可能性:「都係先做好自己,球隊喺復賽嘅每一場都係由呢個目標出發,如果打得出應有表現,或者可以左右聯賽冠軍。」
「快活谷」於港超復賽以年輕球員擔大旗,讓一班小將有充分機會適應頂級聯賽,顯然「鮑Sir」已經將目光放至備戰下季征途:「呢幾場比賽對球隊好有益處,好多本地年輕球員得到比原本更多嘅實戰時間,去提升自己,好似伍家揚、潘沛軒、簡嘉亨,表現都係有所進步。」還有不足一個月的時間,下季征途即將展開,「鮑Sir」認為港超復賽屬愉園的磨合期,希望隨着外援球員的加入,球隊下季表現能有進一步提升。
▪毋需登入,立即睇直播: