曼聯無厘頭報價 死線日亂買德甲兵

20201010
東網電視
更多新聞短片
曼聯死線日無厘頭報價
《英超刨績王》加強版,最強數據一網打盡:http://win.on.cc/football/ 
曼聯在早前轉會窗死線日連簽4人,報道指為「恐慌性收購」,以平息球隊在聯賽1:6大敗於熱刺腳下嘅不安,事後傳媒揭發,原來曼聯當日係「亂咁買」,多蒙特當日接獲曼聯報價,要求借用後衞尼高舒侯斯,由於事出突然,多蒙特即時拒絕。
英國《每日郵報》報道,曼聯與多蒙特就查頓辛祖轉會談判多時,最終因為多蒙特唔肯減價,堅持1.08億鎊轉會費而作罷,曼聯收購辛祖失敗,但死線日卻突然無厘頭作出另一報價,提出以100萬歐元兼承擔全部人工,借用德國後衞尼高舒侯斯。
多蒙特對於曼聯呢個突如其來嘅報價,感到非常驚訝,雖然尼高舒侯斯在多蒙特甚少上陣,但仍然係球會今季陣容一員,因此即時拒絕曼聯請求。
由此事所見,曼聯在死線日簡直係亂買一通,根本唔理對球隊有冇用,只求有球員到手,難怪曼聯被視為「水魚」。