哈利卡尼受傷　摩連奴惡夢成真

《英超刨績王》加強版，最強數據一網打盡：http://win.on.cc/football/　

熱刺前鋒哈利卡尼開季狀態大勇，佢同孫興民嘅組合瘋狂入球，哈利卡尼最近入選英格蘭國家隊後，領隊摩連奴更向修夫基施壓，叫呢位國家隊主帥唔好用殘哈利卡尼。雖然英格蘭上場熱身賽冇用哈利卡尼，不過英國《太陽報》報道，英格蘭周一(12日)凌晨對比利時嘅歐國聯大戰前，哈利卡尼操練期間肌肉受傷，好大機會避戰今場賽事。

熱刺日前有西班牙左閘利古朗喺國際賽受傷，估唔到今次輪到「王牌球星」哈利卡尼中招，不過慶幸嘅係佢肌肉傷勢應該唔係太嚴重，英格蘭仍然希望佢繼續留隊，睇下有冇機會喺周四(15日)凌晨對丹麥上陣，今場避戰對比利時只係預防性質。至於英格蘭領隊修夫基就有2個替補方案，第1個係將拉舒福特移入中鋒位置，第2係起用上場處子上陣即入波嘅卡維特利雲。