唔去就笨啦　沙特豪門1.2億年薪斟桑馬達

《英超刨績王》加強版，最強數據一網打盡：http://win.on.cc/football/　

曼聯中場桑馬達今季仲未喺英超上陣，只係踢過2場英聯盃，明顯已經不在領隊蘇斯克查計劃之內。英國《每日郵報》爆料，有1支沙特阿拉伯球隊向呢位32歲西班牙老將開出1份稅後1,150萬鎊(約1.2億港元)年薪合約，等於佢現時人工嘅4倍，邀請佢加盟。

消息人士指，曼聯已經同呢支沙特阿拉伯球隊有接觸，對方開出優厚條件，但由於仍然談判之中，因此唔可以公開球隊名稱，同埋即使傾掂數，都可能要等一段時間，先至可以完成交易。

桑馬達2014年由車路士加盟曼聯，為紅魔鬼上陣257次，射入50球及45次助攻，但近年已經淪為後備，今季只曾於2場英聯盃上陣。桑馬達將於明夏約滿，佢喺紅魔鬼嘅日子已經無多。