慘呀！曼聯2位新兵被評為最差簽人

《英超刨績王》加強版，最強數據一網打盡：http://win.on.cc/football/　

英超轉會窗關閉之後，英國傳媒訪問咗18位足球經紀，要佢哋選出今夏英超最佳交易及最差交易。結果利物浦簽入西班牙中場堤亞高艾簡達拿，獲評為最佳收購，而曼聯簽入卡雲尼被評為最差簽人。

18位經紀之中，有5人投票畀堤亞高艾簡達拿，以1票優勢力壓愛華頓嘅占士洛迪古斯，成為「最佳收購」。不過，堤亞高艾簡達拿只為紅軍上陣1次，就因為確診新冠肺炎，而一直缺陣，反觀占士洛迪古斯為愛華頓踢4場英超入3球，僅排第2位，實在令人摸不着頭腦。

最差交易之中，有5人認為係卡雲尼，有1位經紀更加直指曼聯簽入呢位33歲烏拉圭前鋒，毫無意義。另1位紅魔鬼新兵雲迪碧克得到2票，排第2位，事關認為佢並非曼聯現時最需要嘅球員。另外，有11人各得1票，主要都係來自「Big 6」球會嘅收購。