曼市雙雄「奪帥」　曼城搶普捷天奴接手

《英超刨績王》加強版，最強數據一網打盡：http://win.on.cc/football/　

繼早前傳出曼聯計劃邀請前熱刺主帥普捷天奴，取代蘇斯克查嘅領隊之位後，英國《鏡報》又爆料，指曼城都有意聘請呢位48歲阿根廷籍名帥，接替哥迪奧拿，曼市雙雄隨時會展開一場「奪帥」之戰

曼城上季失落英超及歐聯冠軍之後，已經傳出哥迪奧拿帥位不穩，球隊今季表現更加差，3場聯賽只取得1勝1和1負，包括主場以2比5大敗於李斯特城腳下，曼城高層已經對哥帥失去耐性，就算唔炒佢，都唔會喺明夏同佢續約。

曼城之所以睇中普捷天奴，一來佢有6年執教英超球隊嘅經驗，特別係率領熱刺爆冷打入前屆歐聯決賽，令人驚喜。

曼城近8年已經4次奪得英超冠軍，球會班主文梳亞最想一嘗歐聯冠軍滋味，普捷天奴既有英超背景，領軍踢歐聯成績亦出色，自然成為曼城換帥頭號目標。

不過，曼聯近期成績比曼城更加差，更有逼切性換帥，以目前情況睇，似乎紅魔鬼比較大機會搶到普捷天奴。